അങ്കത്തട്ടുകളുയർന്ന നാട്

 അങ്കത്തട്ടുകളുയർന്ന നാട്

Music: 

ജി ദേവരാജൻ

Lyricist: 

വയലാർ രാമവർമ്മ

Singer: 

അയിരൂർ സദാശിവൻപി മാധുരിപി ലീല

Raaga: 

ഹംസധ്വനിആരഭി

Film/album: 

അങ്കത്തട്ട്

അങ്കത്തട്ടുകളുയർന്ന നാട്

ആരോമൽചേകവർ വളർന്ന നാട്

പടവാൾ മുന കൊണ്ടു മലയാളത്തിന്

തൊടുകുറി ചാർത്തിയ കടത്തനാട്

(അങ്കത്തട്ട്...)

വടക്കൻ പാട്ടുകളോടൊന്നിച്ചൊഴുകുന്ന

വയനാടൻ പുഴയുടെ അമ്മ വീട്

അനുരാഗകഥകളെ കവചങ്ങളണിയിച്ചൊ-

രിതിഹാസ സമ്പത്തിൻ ജന്മനാട്

(അങ്കത്തട്ട്...)

ആറ്റുമ്മണമ്മേലെ ഉണ്ണിയാർച്ച

കൂത്തു കാണാൻ പോയോരുണ്ണിയാർച്ച

വളയിട്ട കൈകൾ കൊണ്ടൂരിയ വാളിന്റെ

ഝണഝണ നാദം കേട്ടുണർന്ന നാട് (ആറ്റുമ്മണമേലേ..)

തച്ചോളിയൊതേനനും പാലാട്ടുകോമനും

കച്ചകളുടുപ്പിച്ച കടത്തനാട് - അങ്ക

ക്കച്ചകളുടുപ്പിച്ച കടത്തനാട്

കൈരളിയഭിമാന കഞ്ചുകം ചാർത്തുന്ന

കളരിപ്പയറ്റിന്റെ തറവാട്

കടത്തനാട് കടത്തനാട്

(അങ്കത്തട്ട്...)